إزاي تختار شركة تصميم مواقع في مصر: 10 أسئلة قبل ما تدفع
ناس كتير بتختار مين يعملها الموقع على أساس السعر بس، وبعد كام شهر يكتشفوا إن الدومين مش باسمهم، أو إن أي تعديل صغير بفلوس، أو إن الشركة مبتردش. الأسئلة دي هتوفّر عليك ده.
- هل الدومين والاستضافة هيبقوا باسمي؟ لازم الإجابة تبقى أيوه.
- أقدر أشوف مواقع شغالة عملتوها، مش صور بس؟ افتحها من موبايلك وجرّبها.
- التصميم مخصوص ولا تيمبلت؟ واطلب تشوف التصميم قبل البرمجة.
- فيه لوحة تحكم أقدر أعدّل منها بنفسي؟ إيه اللي أقدر أعدّله بالظبط؟
- الموقع هيبقى سريع على الموبايل؟ أغلب زوارك جايين من موبايل ومن إعلانات.
- هتربطوا Meta Pixel وGoogle Analytics؟ من غيرهم مش هتعرف إعلاناتك جابت إيه.
- السعر شامل إيه بالظبط؟ المحتوى، والصور، والدومين، والاستضافة، والدعم؟
- التسليم إمتى، وعلى كام مرحلة، وبتدفع إمتى؟
- الدعم بعد التسليم قد إيه، والتعديلات بعده بكام؟
- لو حبيت أغيّر الشركة بعدين، هاخد الكود والداتا؟
علامات تخليك تقلق
- مفيش أي مثال شغال تقدر تفتحه.
- عايز الفلوس كلها مقدّم.
- مش راضي يكتب اللي متفقين عليه.
- الدومين هيتسجّل باسمه هو.
- سعر قليل جدًا من غير ما يسأل عن شغلك خالص.
إحنا بنجاوب على الأسئلة دي إزاي في DAF Web
الدومين والاستضافة باسمك. عندنا 8 مواقع شغالة من شغلنا تقدر تجرّب فيها الطلب والحجز وتفتح لوحة التحكم بنفسك. بتشوف التصميم وتعدّل عليه قبل البرمجة. كل موقع بلوحة تحكم، ومربوط بالبيكسل وAnalytics، ومعاه شهر دعم مجاني. والسعر بيتكتب بالمميزات قبل ما نبدأ.
أسئلة سريعة
فريلانسر ولا شركة؟
فريلانسر كويس ممكن يبقى مناسب لموقع بسيط. لو الموقع فيه طلبات أو حجز أو دفع، الأحسن فريق ثابت يقدر يدعمك بعد التسليم.
أدفع كام مقدّم؟
الشائع جزء مقدّم وجزء عند التسليم. ابعد عن أي حد عايز المبلغ كله قبل ما يبدأ.
عايز موقع لنشاطك؟
جرّب أمثلة شغالة من شغلنا، أو ابعتلنا وهنرد عليك خلال 24 ساعة بفكرة وسعر مبدئي.