نظام حجز مواعيد للعيادة: إيه اللي يفرق مع المريض والسكرتارية
في أغلب العيادات الحجز لسه بالتليفون: المريض بيتصل، والسكرتيرة بتدوّر في الدفتر، وساعات الميعاد يتحجز مرتين. نظام حجز أونلاين بسيط بيحل ده، بس لازم يتعمل صح عشان المريض يستخدمه فعلًا.
من ناحية المريض
- يختار الخدمة الأول، وبعدين الدكتور، وبعدين اليوم والساعة.
- يشوف المواعيد الفاضية بس، فميتعبش يحجز ميعاد مش موجود.
- يعرف السعر التقريبي قبل ما ييجي.
- ياخد كود حجز على طول، ويقدر يرجع يشوف حجزه.
- كل ده من الموبايل في أقل من دقيقة، من غير ما يعمل حساب.
من ناحية العيادة
- جدول لكل دكتور بأيامه وساعاته في كل فرع.
- عدد محدد لكل ميعاد، والنظام بيقفله لما يتملى.
- لوحة تحكم السكرتارية تأكد منها الحجز وتعلّم المريض إنه وصل أو خلص.
- استشارات أونلاين توصل للوحة التحكم ويرد عليها الدكتور.
- إحصائيات بسيطة: عدد الحجوزات، والخدمات الأكتر طلبًا.
إزاي تقلّل المواعيد اللي بتتلغي
- رسالة تأكيد بعد الحجز ورسالة تذكير قبلها بيوم.
- سهّل الإلغاء أو التأجيل بدل ما المريض ميجيش وخلاص.
- للخدمات الطويلة أو الغالية، ممكن عربون بسيط أونلاين.
مثال شغال
عملنا موقع لعيادة أسنان كمثال: حجز بالخطوات، ومواعيد لكل دكتور، وأسعار الخدمات، واستشارة أونلاين، وقبل وبعد، ولوحة تحكم بتوصلها الحجوزات. نفس الفكرة بتنفع للصالونات ومراكز التجميل والعلاج الطبيعي.
أسئلة سريعة
المريض الكبير في السن هيعرف يحجز؟
الحجز بالتليفون بيفضل موجود. النظام بيشيل الضغط عن السكرتارية في الحجوزات اللي ممكن تتعمل أونلاين، والسكرتيرة كمان تقدر تحجز منه للي بيتصل.
ينفع لمركز فيه تخصصات كتير؟
أيوه، كل تخصص بدكاترته ومواعيده، وكل فرع لوحده.
عايز موقع لنشاطك؟
جرّب أمثلة شغالة من شغلنا، أو ابعتلنا وهنرد عليك خلال 24 ساعة بفكرة وسعر مبدئي.